القصة التانية بعنوان (رابطة الاصدقاء احياء او اموات).
*بتبدا احداث القصة فى ولاية من ولايات انجلترا عام 1800كان ايامها كل مجموعة اصدقاء بيعملوا حزب او رابطة مثلا رابطة محبى الموسيقى او محبى الرقص وهكزا ..... فكر مجموعة اصدقاء فى عمل رابطة وسموها رابطة الاصدقاء احياء او اموات .....المهم كانوا بيتقابلوا فى بيت كل يوم 5 فى الشهر الساعة 5 واتفقوا ان مفيش اى مانع يمنع اى فرد من الافراد من الحضور مهما كان . وكانوا لما يتقابلوا بيكتبوا اى شىء واى كلام يحصل فى الجلسة فى كراسة وكانوا بيوقعوا باسمائهم فى نهاية الصفحة ويكتبوا التاريخ .كان الاصدقاء عددهم خمسة وهما :
1-هنرى وكيل نيابة
2-باتريك مصور فوتوغرافى
3-ادوارد فنان تشكيلى
4-جاك موظف بالنقل
5-جون حارس احد القصور
المهم بقى الاصدقاء يتجمعوا كل يوم لمدة 50سنة لحد ماكلهم توفوا ماتوا ؟؟؟؟؟؟؟؟؟
وفى عام 1850 نشرت احد الصحف ان البوليس بيطلب احد الخبراء الروحانيين فى مسالة مهمة . قرا الاعلان العالم الروحانى
ادم جودى المهم توجة للقسم عشان يعرف الموضوع وهنا قال الظابط كلام غريب
(قال الناس بتسمع صوت غريب جدا فى بيت قديم هوة بيت الاصدقاء اللى كانوا بيتجمعوا فية وان الناس بتسمع اصوات وحركة وموسيقى كل يوم 5 فى الشهر والساعة 5 بالظبط ولما دخلوا البيت مكنش حد موجود واصيبت الناس بالزعر والخوف ولكنهم لاقوا الكراسة بتاعة الاصدقاء موجودة فى البيت .؟؟؟؟؟؟؟
وهنا اخد العالم الروحانى الكراسة عشان يبحثها ويقراها ولكن حصلت مفاجئات فلقد اكتشف ؟؟؟؟؟؟؟؟
1*هنرى وكيل النيابة اتقتل فى يوم
1-1-1801الساعة 2 مساءا عندما كان يطارد احد اللصوص فضربة احد اللصوص بالرصاص وتوفى ؟؟؟ولكن الكراسة بتقول ان هنرى حضر الاجتماع يوم 5-1-1801الساعة 5وكمان وقع ومضى باسمة فى الكراسة ؟؟يعنى هنرى كان ميت ؟؟ظيعنى حضر الاجتماع وهوة ميت
2*باتريك مصور الجرافيك اتوفى يوم
10-2-1815لان جتلة سكتة قلبية ولكن كراسة الاجتماعات بتقول انة حضر الاجتماع يوم 5-3-1815الساعة 5 يعنى هوة كمان ميت بيحضر وهوة ميت
3*كمان ادوارد الفنان التشكيلى وجاك موظف النقل كانوا مسافرين وحصلتلهم حادثة يوم 1-1-1816والاتنين ماتوا ولكن الكراسة بتقول انهم حضروا الاجتماع بعد ماماتوا ب4 يام يعنى يوم 5-1-1816الساعة 5 ووقعوا باسمائهم فى الكراسة ؟؟؟؟؟؟؟؟؟؟؟؟والمفاجئة ان العالم الروحانى قرا اخر ورقة فى الكراسة ولقى مكتوب فيها :
انا جون انا حضرت انهاردة الاجتماع لوحدى لانى عرفت ان بقيت اصحابى ماتوا من فترة بس مش عارف ازاى ماتوا وهما كانوا معايا ومبيفوتوش يوم الاوكانوا بيحضروا الاجتماع انا بصراحة خايف ولازم احل الرابطة دى انا قررت انى مش هاجى تانى هنا )وكتب تاريخ اليوم ومضى اسمة وفجاةتحت اسمة لاقى انكتب 4 امضاءات بخطوط اصحابة طبعا خاف وساب البيت وخرج وقرر انة ميجيش تانى ولكنة فى يوم 5 الشهر اللى بعدة لاقى نفسة فى حاجة بتشدة وبتودية هناك فى مكان الاجتماع وبكل الزعر والخوف مضى فى الكراسة وفجاة لقى 4 امضااءات انكتبت فجاة تحت توقيعة وهنا حس جون ان البيت فية اشباح وعفاريت ومن كتر الرعب والخوف قتل نفسة شنقا
وبكدة اتحلت الرابطة لكن كانت الناس كل يوم 5 فى الشهر والساعة 5 بالظبط بتسمع اصوات ورقص وموسيقى وكاسات فى البيت .
وكان الباحث الروحانى فى نهاية قرايتة للكراسة راح للبيت يوم 5 الساعة 5 عشان يعرف اية بيحصل ويحاول يطرد الاشباح عشان الناس تقدر تعيش
ولما دخل البيت حس بحركة وسمع اصوات غريبة وحس ان البيت بيقع والظاهر ان الاشباح اعلنت الحرب علية وقررت تهدم البيت لان سرها اتعرف وخرج يجرى من البيت واتحول البيت الى رماد بعد ماجت ريح رهيبة دمرت كل شىء وسط زهول العالم وخوف الناس .
ومن اليوم دة وادم بيشوف الاشباح حوالية بتطاردة ومر شهر فى الرعب حتى يوم 5 فى الشهر كان ادم بيكتب اخر سطور قصتة اللى بيكتب فيها تفاصيل بحثة عن رابطة الاصدقاء وازاى عرف سرها وهوة فى نهاية قصتة مضى بتوقيعة وفجاة لقى عبارة انكتبت لوحدها تحت توقيعة مكتوب فيها ولقد توفى الكاتب والعالم الروحانى ادم يوم 5-1-1850 وتوفى ادم فى نفس اللحظة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ودى نهاية القصة اتمنى تكون عجبتكوا
اتمنى اسمع تعليقاتكواااااااااا
وانتظروا القصة الثالثة
(الجثة الملعونة)
السبت سبتمبر 08, 2007 12:21 am